ငယ်သူငယ်ချင်းတစ်ယောက်ရှိတယ်။ သူ့နာမည်က ဖိုးတေ ။ သူက ရန်ကုန်မှာနေတယ်။ ကျွန်တော် နေတာ တောင်ကြီး မှာ ။ ဖိုးတေ တို့ငယ်ငယ်တုန်း ကတောင်ကြီးမှာ အခြေချခဲ့တယ်။ သူ တောင်ကြီးက နေပြောင်းသွားတာ ဖိုးတေ ၁၂နှစ် လောက်ကထင်တာပဲ။ ဖိုးတေ ရဲ့ အမေ နဲ့ အဖေ က အကြောင်းတစ်ခုခုကြောင့် ကွာရှင်းပြတ်စဲကြတယ်။ အဲ့ဒီ့ ကစပြီး ဖိုးတေ ကို သူ့အဖေက ခေါ်ပြီး ထွက်သွားလိုက်တာ အခု ကျွန်တော်နဲ့ ဖိုးတေ ပြန်ဆုံတဲ့အထိ ဆိုပါတော့။ ပြန်တွေ့တာက ကျွန်တော် ကွန်ပျူတာသင်တန်းကို ရန်ကုန်မှာ လာတတ်တဲ့အချိန်မှာတွေ့တာဗျ။ ကျွန်တော် က Networking တတ်နေတာ ။ သူကတော့ Graphic ။ သူနဲ့ကျွန်တော် ပြန်တွေ့ပုံက Corner တစ်ခုမှာတိုက်ပြီး ပြန်တွေ့တာတော့မဟုတ်ဘူး။ အဲ့ဒီလို တွေ့တဲ့ပုံစံက လွန်ခဲ့တဲ့ ၀တ္ထုစာအုပ်တွေထဲမှာပဲရှိတယ်လေ။ ကျွန်တော်က သင်တန်းတစ်ခု ရဲ့ ဆိုင်မှာ ထိုင်နေတုန်း ကျွန်တော် ထိုင်တဲ့ခုံ ရဲ့မျက်နှာချင်းဆိုင်မှာ ဖိုးတေ ထိုင်ခဲ့တယ်လေ။ ကျွန်တော့်ကို ဒီကောင် ကြည့်နေတာကြာပြီ။ တစ်ရက်တည်းမက တော့ဘူး။ ကျွန်တော် နဲနဲတော့ ဖြုံသွားတယ်။ ကျွန်တော့်ပုံစံက နွဲ့တဲ့တဲ့ဖြစ်နေတယ်လို့ ပြောတာကြားဖူးတော့ ကျွန်တော် ကိုယ်ဖာသာ ကိုယ်မလုံဘူး။ ကျွန်တော့်စိတ်ထဲမှာတော့ တွေ့ဖူးတယ်လို့ ထင်သား။ ကြောက်စိတ်ရှိတဲ့ကျွန်တော် ကဘယ်လိုမှ သွားမပြောရဲဘူး။ ကျွန်တော် ကလူကသာ နွဲ့နေတာစိတ်က ယောကျာ်းစိတ်ဗျ။ ဒါကလည်း ကျွန်တော့်ကိုယ့်ဖာသာ ကိုယ်ထင်တာလည်းနေမှာပါ။ တစ်ခါတစ်လေတော့လည်း ဘဲချောချောလေးကို တွေ့ရင်တော့ နောက်ပြန်လှည့်ကြည့်တတ်တာ ကျွန်တော်အကျင့်လေ။ ဘာရယ်မဟုတ်ဘူးပေါ့ဗျာ။ ကောင်မလေးတွေကိုလည်းကြည့်ပါတယ်။ ကောင်လေးတွေကို ကြည့်တာ ကတေ့ာခြွင်းချက်ပေါ့။ ကျွန်တော် ရုပ်မဖြောင့်တာလည်းပါတယ်။ ရုပ်ဖြောင့်ဖြောင့် အစ်ကိုကြီးတွေကို တွေ့ရင်အားကျ အကြည့်နဲ့ ကြည့်ခဲ့ မိပါတယ်။ ကျွန်တော် ဖိုးတေကို ကြောက်ကြောက်နဲ့ပဲပြန်ကြည့်မိတယ်။ ကျွန်တော် ထိုင်နေတုန်း ကျွန်တော့် အတန်းဖော်တစ်ယောက်က ကျွန်တော့်နာမည်ကို အားပြဲပြဲနဲ့လှမ်းခေါ်တယ်။ ကျွန်တော် ဖိုးတေကို ကြည့်နေလို့ လန့်သွားတယ်။ ` ဟေ့ကောင် . . . စစ်အောင် ´ ` ဟ . . . ဂေါ့လ် ´ ဒါက ကျွန်တော် အကျင့်ပါနေတဲ့ယောင်နည်းတစ်မျိုးပါ။ လန့်သွားတဲ့အခါတိုင်း ကျွန်တော့်ပါးစပ်က ထွက်လာတတ်ပါတယ် ဘာကြောင့် ထွက်လာလည်းမသိဘူးဗျ။ ငယ်ငယ်ကတည်းကပဲ။ အိုးမိုင်ဂေါ့လ် ဆိုပြီးယောင်တတ်တဲ့ အလယ်တန်းက ဆရာကို ကျွန်တော် လိုက်လိုက်နောက်လို့ရလာတဲ့အကျိုးပဲထင်တယ်။ ကျွန်တော် ဖိုးတေကို ကြည့်လိုက်တော့ မျက်နှာမှာ အပြုံးတွေဝေလို့။ မှိုရတဲ့မျက်မှာမျိုးဆိုတာ ဒါမျိုးကိုပြောတာထင်တယ်။ ကျွန်တော် တော့မတွေ့ဖူးဘူဗျ။ မှိုရတဲ့မျက်နှာ ကို တွေ့ဖူးတဲ့လူရှိရင်ပြောပြကြပါဗျာ။ ကျွန်တော် တစ်ခါလောက်တော့ တွေ့ချင်သေးတယ်။ ဖိုးတေက ကျွန်တော်ထိုင်တဲ့ခုံကို လာတယ်။ `စစ်အောင် ဟုတ်တယ်မလား´ `ဟုတ်ပါတယ်´